احبّنك دگلي شلون انساك؟

من طرف **JoKeR** الإثنين مارس 29, 2010 11:23 pm

احبّنك [url=http://www.alforat.org/redirector.php?url=http%3A%2F%2Fwww.we4iq.com%2Fvb%2Fshowthread.php%3Ft%3D116425]دگلي [/url]شلون انساك؟

واذا انساك گلي شلون اگدر

لا اگدر احبك لا اظل وياك

واذا ظليت ما نرسى على بر

[url=http://www.alforat.org/redirector.php?url=http%3A%2F%2Fwww.we4iq.com%2Fvb%2Fshowthread.php%3Ft%3D116425]دگلي [/url]شلون اعوفك جاوب ارجوك

لا تسكت وناري بگلبي تسعر

اشوف الناس تسكر لو تمس الكاس

وانا بلمسة ايدك روحي تسكر

كضيت احلى العمر يا خلي وياك

ولو ترضى جنت لعيونك انذر

تعال الكلب متيّتم بلياك

دشوفة شحالة من فركاك يكفر

اريدك ما اريد الغير يحجون

يكولون اليحبها دار وافتر

اريدنّك تحبني بكثر ما ريد

وياريتك تحبني شوية اكثر

بحر عينك اضيع بموجة واحتار

وهمس شفتك موسيقى وبيها نشعر

صدك تنسى الحجي واحلاها الايام

وصدك عندك احبك حجي مسطّر

خلّصت الحروف وياك آهات

وما بقّيت بس حروف من جر

عليمن ومن شنو وليش انا وياك

جنة وانت نار تريد تسعر

راح انساك احاول وانسى الايام

ولتظن انا راجع وراح اصبر

جنت من اشوف عيونك ارتاح

هسة انا من اشوفك راسي يفتر

اكولن هم صدك حباني فد يوم

لو شمسة جنت وبشوفي يحتر

دجاوب لا تظل ساكت اريد اليوم

جوابك آخذة لو حتى انضّر

مو انا الجنت اغتر على الناس

صرت بيك انا يم الناس انغر

صدكني من اعوفك اشكال والوان

بغرامي تطيح لو بس صبعي اشّر

لتظن حايرة لو غبت فد يوم

اذا انت الذهب غيرك من الدّر

ما حبك بعد كافي ولحد هنا

اكول انا عليك (الـــلـــــــه اكبر)

تحياتي